भांगरभूंय | प्रतिनिधी
भांगरभूंय । प्रतिनिधी
मुरगांवः चिखली शुक्राराक दनपारां जाल्ल्या अ्पघातांत दुचाकी चलोवपी रिना गोन्साल्वीस (40) हे बायलेल जाग्यारूच मरण आयलें जाल्यार दुचाकीच्या फाटल्यान बशिल्लो तिचो पुतणो वेलीन गोन्साल्वील (17) हो गंभीर जखमी जालो.ताची भलायकी हुस्क्याची आसा.
पुलिसांनी दिल्ले म्हायती प्रमाण वास्कोच्यान कुठ्ठाळ्ळे वचपी आर्टिका ह्या चार चाकी वाहनान एका वाहनाक ओव्हरटेक करनात फुडल्यान येवपी एक्टिवा दुचाकीक धपको दिलो. तातूंत गोन्साल्वीस हिका आत्काक मरण आयलें. लेविनाचेर चिखलीच्या उपजिल्हो हॉस्पिटलांत उपचार चल्ल्यात. अपघातांत दोनूय वाहनाचें लुकसाण जालें. गोन्साल्वीस आनी तिगेलो पुतणो एमईएस कॉलेजांतल्यान चिखली पंचायती लागीं आशिल्ल्या तांच्या घरा वताली.
आर्टिका गाडयेंतल्यान म्हापश्यांतले तीन चले आनी दोन चल्यो वास्को हांगा फिरपाक आयिल्ल्यो. वास्कोचो पुलीस निरीक्षक कपील नायक हांच्या मार्गदर्शना खाला तपास सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
