भांगरभूंय | प्रतिनिधी
भांगरभूंय । प्रतिनिधी
म्हापशेंः पणजे म्हापालिकेचे अंमलबजावणी पंगडात काम करपी बायल होमगार्ड वंदा नायकान पणजे पुलीस स्टेशनांतलो ड्यूटी मास्टर पगाराची बिलां तयार करपा खातीर लांच मागता अशी कागाळ पुलीस म्हासंचालक तशें घर खात्याच्या कारबार पळोवपी मुख्यमंत्री डॉ प्रमोद सावंत हांचे कडेन केल्या.
2018 सावन पणजे म्हापालिकेच्या अंमलबजावणी पंगडात आपूण कामाक आसा. फाटले दोन म्हयने आपल्याक पगार मेळूंक ना. पणजे पुलीस स्टेशनांतलो सहाय्यक ड्यूटी मास्तर मनोज पेडणेकार पगाराची बिलां तयार करपा खातीर 10 हजार रुपये मागता अशें नायक हिणे पत्रकारांक सांगलें. पुलीस निरी7क, उपअधिक्षक, मुख्यालय अधिक्षका कडेन कागाळ करून लेगीत ते ह्या ड्यूटी मास्तराची चवकशी करनात. ताका लागून पुलीस म्हासंचालक आनी मुख्यमंत्र्यां कडेन आपल्याक कागाळ करची पडली अशें तिणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
