भांगरभूंय | प्रतिनिधी
भांगरभूंय । प्रतिनिधी
काणकोणः दिवाळे निमतान कुवेतांतल्यान घरा येवन बिरेस्तारा परत कुवते वतना राजबाग चिचांक हांगच्या लवेश रमाकांत कोमरपंत (40) हाका विमानांत काळजाच्या आताकार मरण आयलें.
लवेश कुवेतांत नोकरी करतालो, दिवाळे निमतान तो घऱा आयिल्लो. बिरेस्तारा सकाळी तो आपली घरकान्न आनी भुरग्यां सयत दाबोळेच्यान विमानात कुवेत वतालो. विमानांत ताका काळजा आताक आयिल्ल्या मुंबय विमानतळार विमान देंवयलें. ताका मुंबय खाजगी हॉस्पिटलांत दाखल केल्या उपरांत दोतोरांनी ताका मरण आयिल्ल्याचें सांगलें.
लवेशाक काळजा आताक आयिल्ल्याची खबर मेळटगीर ताचे मुंबय आनी पुण्यातले सोयरे घडणुकेचे सुवातेर पावले. ज्येश्ठ भजनी कलाकार रमाकांत कोमरपंत हाचो चलो आशिल्लो लवशे सभावान बरो आशिल्लो. अडी अडचणेत आशिल्ल्यांक मजत करपाची ताका संवकळ आशिल्ली. ताच्या फाटल्यान आवय- बापूय, भाव राहुल, घरकान्न आनी भुरगीं असो घराबो आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
