भांगरभूंय | प्रतिनिधी
विजय हजारे क्रिकेट सर्तींतली गोंय आनी हरियाणा हांचे मदली मॅच व्हीजेडी पद्दत लागू जाले उपरांत बरोबरीचेर सोंपली. पावसान मॅचींत आडखळ हाडिल्ल्यान व्हीजेडी नेम लागू करचो पडलो.
गोंयान पयलीं बॅटींग करतना 50 ओव्हरींनी 9 विकेटी वगडावन 261 धांवड्यो केल्ल्यो, ताका जाप दितना हरयाणान 23 ओव्हरी मेरेन 5 विकेटी वगडावन 154 धांवड्यो केल्ल्यो. त्या वेळार पावसान आपली हाजेरी लायली आनी खेळ थांबोवचो पडलो.
गोंया वतीन स्नेहल कवठणकारान शेंकड्याची खेळी केली. ताणें 115 बॉलांनी 104 धांवड्यो केल्यो. ताणें णव चवके आनी तीन सके मारले. तशेंच पयले विकेटी खातीर ईशान गडेकारा वांगडा 88 धांवड्यांची भागिदारी लेगीत केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
