भांगरभूंय | प्रतिनिधी
भांगरभूंय । प्रतिनिधी
फोंडेंः गोंयांतल्या धनगर समाजांतल्या लोकांचो एसटींत (अनुसूचीत जमात) आसपाव करपाची सगळे कायदेशीर सोपस्कार पुराय केल्यात अशी म्हायती धनगर समाज फुडारी आनी आदले उपमुख्यमंत्री चंद्रकांत (बाबू) कवळेकार हांणी सांगलें. मुख्यमंत्री डॉ प्रमोद सावंत एका शिश्टमंडळाक घेवन केंद्रीय घरमंत्री अमीत शहा हांचे कडेन हे संबंदांत उलोवणी करतले अशें तांणी सांगलें.
हरियाणांत 25 तें 28 नोव्हेंबर मजगतीं जावपी राष्ट्रीय आट्या पाट्या सर्तींत वांटो घेवपाक वचपी गोंयच्या चले आनी चलयांच्या पंगडाक परबीं दिवपाक आयिल्ले कडेन पत्रकारांनी विचारिल्ल्या प्रश्नाक जाप दितना कवळेकारान धनगर समाजाक एसटी दर्जो दिवपाक राज्यांतल्या दरेका सरकारान यन्त केल्यात. केंद्रीय घर मंत्रालयान सोदून काडिल्ल्यो त्रुटी पयस करपा खातीर अधिकाऱ्यांनी फाटपुरवण केल्या. मुख्यमंत्री, केंद्रीय राज्य मंत्री श्रीपाद नायक आनी राज्यसभा खासदार विनय तेंडुलकार हेर केंद्रीय मंत्र्यां कडेन उलोवणी करतले अशी म्हायती तांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
