भांगरभूंय | प्रतिनिधी
नॅदरलॅण्डान अ गटांतले आपले पयले मॅचींत सेनेगलाक 2-0 अशा गोल फरकांनी हारोवन संवसारीक फुटबॉल सर्तीक जैतान सुरवात केली.
नॅदरलॅण्डा वतीन कोडी जॅक्पो आनी डॅव्ही क्लासेन हाणें दरेकी एक गोल केलो.
सेनेगलान पुराय मॅचीचेर आपली पकड दवरली. पूण अखेरेक नॅदरलॅण्डान जैत जोडलें. पयल्या अर्दांत एकूय गोल जालो ना. दुसऱ्या अर्दांत लेगीत 83 मिनटां मेरेन गोल जावंक नाशिल्लो. मॅच बादाबाद रितीन सोंपतली अशें दिशिल्लें. पूण, नॅदरलॅण्डाचो प्लेयर ऑफ द ईयर कोडी जॅक्पोन 84व्या मिनटाक जबरदस्त हेडरा वरवीं गोल करून आपल्या पंगडाचें खातें उगडलें. इंज्युरी टायमांत (90+9) डॅव्ही क्लासेनान गोल करून पंगडाक निर्णायक 2-0 अशी आघाडी मेळोवन दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
