भांगरभूंय | प्रतिनिधी
म्हापशेंः हडफडें- बागा हांगा एका व्हिलांत रावपी सूरत (गुजरात) हांगच्या पर्यटकांचे मोबायल, घड्याळ्यो मेळून साडेसात लाखाची वस्ती चोरपी श्रीकांत डी (27, दोड्डेरी शिवमोगा, कर्नाटक) हाका हणजून पुलिसांनी अटक करून चोरिल्लो म्हाल जप्त केलो. फाटल्या आयतारा सकाळीं 6 वरांचेर ही चोरी जाल्ली.
प्रियांक शाह आनी ताचे इश्ट मेळून 8 जाणा बागा- हडफडेंच्या व्हिलांत रावताले. शेनवारा रातीं मजा करून ते व्हिलांत येवन न्हिदल्ले. तेन्ना श्रीकांत डी हाणे व्हिलांत घुसून चोरी केल्ली. शाह हाणे हणजुणे पुलिसांत चोरयेची कागाळ केल्ली. श्रीकांत डी हाणे ही चोरी केल्या आनी कर्नाटकांतल्या आपल्या गांवांत वचपाक सो भायर सरला अशी म्हायती पुलिसांक मेळ्ळी. ताणे उडपी हांगा वचून सोमाराक दनपारां ताका धरलो. ताचे कडेन स मोबायल आनी चार घड्याळ्या मेळ्ळीं. तातूंतले चार मोबायल आनी तीन घड्याळ्यो पर्यटकांच्यो आसात.
मेळिल्ले म्हायती प्रमाण श्रीकांत डी आनी ताच्या चार वांगड्यांक 2020 वर्सा मोबायल चोरी प्रकरणांत अटक केल्ली. तेन्ना ताचे कडेन 25 मोबायल मेळल्ले. ह्या चोरी प्रकरणात जामीन मेळ्ळ्या उपरांत तो परत चोरयो करपाक लागल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
