भांगरभूंय | प्रतिनिधी
पणजीः इफ्फी येतनाच शिंयाळें वारें घेवन आयल्या. त्या शिंयाळ्या वाऱ्याचेर, न्हंयचे देगेर बसून भारतरत्न लतादीदीन आयज इफ्फीक पयल्याच दिसा ‘अभिमानी’ सलामी दिली. ती आयनॉक्सांत न्हय जाल्यार मॅकनीझ पॅलेसींतल्या थेटरार. भारतरत्न लता मंगेशकार नांवान गोंयच्यो पूण नामना संवसारांत. अंदू वर्सा तांणी ह्या संवसाराचो निरोप घेतलो, पूण आपल्या गितांनी त्यो अजरंवर आसात, आसतल्यो. तांकां इफ्फींत मानवंदना दिवपाक अमिताभ आनी जया बच्चन हांकां जैत मेळोवन दिवपी ‘अभिमान’ हो सिनेमा आयज दाखयलो. कोणीतरी मानेस्त सिनेमाक येतलो, भाशणां जातलीं, यादस्तिकां मानेस्तांक भेटोवपाची कार्यावळ जातली, अशें दिशिल्लें. अजापाची गजाल म्हणल्यार ना भाशण, ना मानेस्त, पूण ‘तेरी बिंदिया रे, ‘पिया बिना पिया बिना’ वरी लतादीदी, महमद रफी, किशोरकुमार हांच्या आवाजांतलीं गितां आयकूंक मेळ्ळीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
