भांगरभूंय | प्रतिनिधी
घर, 5 गाडयांचो गोबोर; 50 लाखांचें लुकसाण
भांगरभूंय । प्रतिनिधी
मडगांवः रावणफोंड नावेली वाठारांत मिलिटरी कॅम्पा कुशीक एक घर आनी फर्निचराचें दुकान तशेंच दोन मोटारी आनी तीन दुचाकींचो लासून गोबर जालो. तातूंत सुमार 50 लाख रुपयांचें लुकसाण जाल्ल्याचो अदमास उजो पालोवपी दळाच्या अधिकाऱ्यांनी उक्तायलो.
ही दुर्घटणा शेनवारा सकाळीं 7.30 वरांच्या सुमाराक घडली. थळाव्या लोकांनी उलो पालोवपी दळाक कळयले उपरांत तांणी बंब हाडून उज्याचेर नियंत्रण मेळयलें. हो उजो शॉर्ट सर्किटाक लागून लागलो आसूं येता, असो अदमास उजो पालोवपी दळाच्या अधिकाऱ्यांनी उक्तायला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
