भांगरभूंय | प्रतिनिधी
फातोड्डेंच्या डॉन बॉस्को ऑरेटरीन 15वी काणा बाणावली ग्रामपंचायत आंतरगांव फुटबॉल सर्त जिखली. फायनलींत ताणें वार्का स्पोर्ट्स क्लबाक टायब्रेकरांत 3-1 अशा गोल फरकांनी हारयलो.
युनायटेड क्लब ऑफ बाणावलीन दांडो बाणावलीच्या सेंट जॉन दी बाप्तिस्त मैदानाचेर आयोजीत केल्ली.
निर्धारीत वेळाच्या खेळांत दोनूय क्लबांक गोल करपाक अपेस आयल्या उपरांत निकाल लावपाक टायब्रेकराचो आदार घेवचो पडलो. टायब्रेकरांत डॉन बॉस्को ऑरेटरी वतीन अॅश्ले फुर्तादो, मिल्सन बार्रेटो आनी अॅनस्ली आरावजो हांणी गोल केले, जाल्यार वार्का स्पोर्ट्स क्लबा वतीन फक्त जॉयलॉन कार्दोझाक गोल करप शक्य जालें.
दोनय क्लबांक आकर्शक रोख रक्कम आनी करंड फावो जाले. इनामां भेटवण सुवाळ्याक आयएएफएफ प्रशिक्षक मारियानो डायस उपस्थीत आशिल्लो.
हेर वैयक्तीक इनामांः क्लिटन लुईस (सर्तींतलो स्ट्रायकर, वार्का स्पोर्ट्स क्लब), कालवें (सर्तींतलो मिडफिल्डर, यूबीडी, कोलवें), कोलंबन नोरोन्हा (सर्तींतलो डिफॅण्डर, वार्का स्पोर्ट्स क्लब), सोमा कोरगांवकार (सर्तींतलो गोलकीपर, साई अवतार, हणजूणें), सनी फर्नांडीस (सर्तींतलो खेळगडो, सेंट अॅंथनी स्पोर्ट्स क्लब, असोल्डें), विल्सन (फायनलींतलो उत्कृश्ट स्ट्रायकर, डॉन बॉस्को ऑरेटरी, फातोड्डें), अॅश्ली फुर्तादो (फायनलींतलो उत्कृश्ट मिडफिल्डर, डॉन बॉस्को ऑरेटरी, फातोड्डें), मोहम्मद शेख (फायनींतलो उत्कृश्ट गोलकीपर, वार्का स्पोर्ट्स क्लब), चार्ल्टन परेरा (फायनींतलो उत्कृश्ट डिफॅण्डर, डॉन बॉस्को ऑरेटरी), जॉयलन कार्दोझ (फायनलींतलो पयलो गोल, वार्का स्पोर्ट्स क्लब), डायलन लिमा (सर्तींतलो उदेंतो खेळगडो, वार्का स्पोर्ट्स क्लब), कॅरन सुआरीस (फायनलींतलो खेळगडो, डॉन बॉस्को ऑरेटरी), सेंट अॅंथनी स्पोर्ट्स क्लब-मार्ना शिवोली (शिस्तीचो क्लब).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
