भांगरभूंय | प्रतिनिधी
भांगरभूंय । प्रतिनिधी
वास्कोः नवे वाडें आनी दाबोळी विमानतळाक जोडपी हायवे वयलो शांतीनगर हांगचो रेल्वे पूल येरादारी खातीर 6 म्हयने बंद करतले असें दाबोळीचो आमदार आनी पंचायत मंत्री माविन गुदिन्हो हांणी मंगळारा सांगलें. ह्या अशीर पुला वयल्यान व्हडा प्रमाणांत वाहनांत वतात आनी ताका लागून येरादारीची कोंयडी जाता. ताका लागून थंय एक समांतर पूल बांदपाची येवजण आसा अशें तांणी सांगलें.
नवें वाडें हांगा वचपाक आनी थंयच्यान येवपाक दोन पूल बांदपाची येवजण आशिल्ली. मात तंत्रीक नदरेन दुसरो पूल बांदप शक्य नाशिल्ल्यान आसा त्याचे पुलाचे सुवातेर सध्याच्या पुला परस व्हडलो पूल बांदपाचें थारलां. नवो पूल बांदपा खातीर सध्याचो पूल स ते आठ म्हयन्यां खातीर बंद दवोरचो पडटलो अशें गुदिन्हो हांणी सांगलें.
नव्या रेल्वे पूला खातीर निविदा काडून रेल्वे वतीन नवो पूल बांदपाचें काम दोन ते तीन म्हयन्यां भितर सुरू करतले. निविदा काडून कंत्राट दिवपाचें काम बेगीन सुरू करचें हें खातीर यत्न चल्ल्यात अशें गुदिन्हो हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
