भांगरभूंय | प्रतिनिधी
डॉन बॉस्को ऑरेटरीन रायझींग कप आंतरगांव फुटबॉल सर्त जिखली. कुंकळ्ळी स्कुलाच्या मैदानाचेर जाल्ले फायनलींत ताणें चांदर स्पोर्ट्स क्लबाक 3-2 अशा गोल फरकांनी हारयलो. मध्यांतरा मेरेन डॉन बॉस्को 2-1 अशा गोल फरकांनी मुखार आशिल्लो.
डॉन बॉस्को ऑरेटरी वतीन स्वेटोन रिबेलोन दोन जाल्यार मॅक्सवेल फुर्तादोन एक गोल केलो, चांदर स्पोर्ट्स क्लबा वतीन मार्क फर्नांडीस आनी व्हितोरिनो फर्नांडीस हाणें दरेकी एक गोल केलो. ह्या जैतान डॉन बॉस्को ऑरेटरीक 60 हजार आनी करंड फावो जालो, जाल्यार चांदर स्पोर्ट्स क्लबाक 40 हजार आनी करंडाचेर समाधान मानचें पडलें.
इनामां भेटवण सुवाळ्याक विरोधी पक्ष फुडारी युरी आलेमांव उपस्थीत आशिल्लो.
हेर वैयक्तीक इनामांः स्वेटो रिबेलो (फायनलींतलो पयलो गोल, डॉन बॉस्को ऑरेटरी), प्रॅस्ली मास्कारेन्हस (उत्कृश्ट गोलकीपर, चांदर स्पोर्ट्स क्लब), व्हिक्टोरिनो फर्नांडीस (पयली हॅट्रीक आनी सर्तींत सगल्यांत चड गोल, चांदर स्पोर्ट्स क्लब), आर्लेम यूथ असोसिएशन (शिस्तीचो क्लब), रिचर्ड फर्नांडीस (उदेंतो खेळगडो), क्लिफ बार्रेटो (उत्कृश्ट मिडफिल्डर, डॉन बॉस्को ऑरेटरी), आल्फ्रेड नोरोन्हा (उत्कृश्ट डिफॅण्डर, डॉन बॉस्को ऑरेटरी), स्वेटोन रिबेलो (उत्कृश्ट स्ट्रायकर, डॉन बॉस्को ऑरेटरी).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
