भांगरभूंय | प्रतिनिधी
खबरां संस्था
मेलबर्नः 2024 वर्सांची अंडर 19 वर्ल्ड कप क्रिकेट सर्त श्रीलंकेंत जातली. आंतरराष्ट्रीय क्रिकेट कावंसिलान (आयसीसी) 2024 तें 2027 मजगतीं जावपी अंडर 19 वर्ल कपाचें आयोजन करपी देशांची नांवां जाहीर केल्यांत. 2026 चे सर्तीचें आयोजन झिम्बाब्वे आनी नामिबियांत मेळून करतले. 2025ची अंडर 19 बायलांची वर्ल्ड कप सरत मलेशिया आनी थायलँड मेळून आयोजीत करतले. 2027 ची सर्त बांगलादेश आनी नेपाळ मेळून आयोजीत करतले.
2027 वर्सा दक्षीण आफ्रिका आनी झिम्बाब्वेंत जावपी वर्ल्ड कपा खातीर आयसीसीन पात्रताय स्पश्ट केल्या. ते सर्तींत 14 पंगड वांटेकार जातले. आफ्रिका, झिम्बाब्वे पंगड येजमान म्हणून थेट पात्रताय फेरयेंत आसतले. 8 पंगड तेन्नाच्या वन-डे संवसारीक क्रमवारीत प्रमाण बाकीच्या पंगडांची पात्रताय थारतली. 4 पंगड आयसीसी ग्लोबल क्वालिफायर टूर्नामेंटा प्रमाण वेंचून काडटले.
2924चे बायलाचें टी-20 वर्ल्ड कप सर्तींत 10 पंगड वांटेकार जातले. सगळ्या पंगडांक आयसीसीन पात्रतायेची घोशणा केल्या. 10 पंगडातले 8 पंगड 27 फेब्रुवारी 2023च्या संवसारीक क्रमवारीच्या आदारान सरळ पात्र जातले. 2 पंगड आयसीसी ग्लोबल क्वालिफायराच्या आदारान वेंचून काडटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
