पोरण्या गोंयांत फेस्ताची तयारी

भांगरभूंय | प्रतिनिधी

भांगरभूंय । प्रतिनिधी
पोरणे गोंयः पोरण्या गोंयांतल्या सायबाची नोव्हेंना आनी फेस्ताची तयारी सध्या नेटान चल्ल्या. बों जेजुश बासिलिका सामकार माटोव घालपाच्या कामाक सुरवात जाल्या. 24 नोव्हेंबराच्यान नोव्हेनाक सुरवात जातली आनी 3 डिसेंबराक फेस्त जातलें. 23 नोव्हेंबराक  सांजे 6 वरांचेर मड्डी मनयतले.
अॅपोस्टोलिक नुन्ससियो टू इंडिया लियोपोल्ड गिरेली फेस्ताच्या दिसा सकाळीं 10.30 वरांचेर जावपी हाय मिसाची येजमानकी चलयतले. ह्या वेळार कार्डिनल फिलीप नेरी फॅर्रांव, सिंधुदुर्गाचे बिशप ऑल्वीन बार्रेटो हाजीर रावतले. फेस्ताच्या दिसा पयलें मीस  फातोंडेर 4, 5 आनी उपरांत सकाळीं 6, 7 8, आनी 9 वरांचेर जातली. हाय मीस सकाळीं 10.30 वरांचेर जातलें. ते उपरांत दनपारां 12.30, सांजे 3, 4, 5, 7, रातयां 8 आनी 9 वरांचेर फीस्ट हाय मीस जातलें. दनपारां 12.30 ते  सांजे 6 मेरेन जावपी मिसां इंग्लिशींत जातली.
24 नोव्हेंबर ते 2 डिसेंबर मेरेन  नोव्हेना वेळार सकाळीं 6, 7.15, 8.15, 9.30, 10.30 तशेंच साजें 3.45, 5 आनी 6 वरांचेर इंग्लिशींतल्यान मिसां जातलीं. 26 आनी 27 नोव्हेंबर तशेंच 2 डिसेंबराक मिसांक फांतोडेर 5 वरांचेर सुरू जातली. 25 नोव्हेंबराक सकाळीं 10.30 वरांचेर सेंट कॅथेरिना फेस्ताक लागून मीस जावचें ना. 1 डिसेंबराक सकाळीं 10.30 वरांचेर आंतर धार्मिक बसका आशिल्ल्यान मीस जावचें ना.