भांगरभूंय | प्रतिनिधी
भांगरभूंय । खबरां मेज
पणजीः म्हापशेंच्या सेंट झेवियर्स म्हाविद्यालयाचे विद्यार्थी मंडळ वेंचणुकेंत अखील भारतीय विद्याती परिशदेचें पॅनलाक जैत मेळ्ळें. अभाविपचो म्हापशें शार मंत्री साहिल महाजन विद्यार्थी मंडळाचो जीएस म्हणून भोवमतान वेंचून आयलो.
वेंचणुके उपरांत जैतिवंत जाल्ल्यांची म्हाविद्यालय तें बोडगेश्वर देवळा मेरेन मिरवणूक काडली. तातूंत विद्यार्थी परिशदेचे वावुरपी आनी विद्यार्थी व्हडा संख्येन वांटेकार जाल्ले. छात्र शक्ती हीच राष्ट्र शक्ती ह्या परिशदेच्या विचारांचेर आमी ही वेंचणूक लडयली आनी जिखली. म्हाविद्यालयांत नव्या नेटान आमी काम करतले अशें साहिल महाजन हांणे सांगलें. कोंकण प्रांत सहमंत्री अवधूत कोटकार हांणी विद्यार्थ्यांच्यो समस्या सुटोव्यो करपा वांगडा नवे उपक्रम चालीक लायतले अशें सांगलें. गोंय विभागाची संयोजक धनश्री मांद्रेकाराचेंय उलोवप जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
