भांगरभूंय | प्रतिनिधी
पेडणें तालुको पंगडान 12वी राज्य पांवड्या वयली बायलांची टॅनीस बॉल क्रिकेट सर्त जिखली. फायनलींत ताणें सत्तरी तालुको पंगडाक हारयलो.
अंत्रुज आर्ट अॅण्ड स्पोर्ट्स अकादमीन गोंय टॅनीस बॉल क्रिकेट संघटनेचे मजतीन कुंकळी-प्रियोळच्या मैदानाचेर आयोजीत केल्ली. दिवचल आनी फोंडें तालुक्यांच्या पंगडांक जोड रितीन तिसरी सुवात फावो जाली.
पेडणें तालुक्याच्या पंगडान पयलीं बॅटींग करतना 6 ओव्हरींनी 6 विकेटी वगडावन 28 धांवड्यो केल्यो. सत्तरीच्या संतोषी तुयेंकारान हॅट्रीके सयत पांच विकेटी घेतल्यो. प्रत्युत्तर दितना सत्तरी तालुक्याच्या पंगडाक 6 ओव्हरींनी 2 विकेटी वगडावन 21 धांवड्यो करप शक्य जाल्यो.
शारदा अरावंदेकार (उत्कृश्ट बॅट्समन, पेडणें), संतोषी तुयेंकार (उत्कृश्ट बॉलर, सत्तरी), प्रतिक्षा गडेकार (उत्कृश्ट अश्टतासांची खेळगडी, पेडणें) सतलज परब (दोळेदिपकावपी प्रदर्शन, सत्तरी) हांकां वैयक्तीक इनामां फावो जालीं.
इनामां भेटवण सुवाळ्याक प्रियोळची सरपंच हर्षा गावडे, जिल्हो पंचायत वांगडी दामोदर नायक, कुंकळीचे पंच वांगडी रंगनाथ कुंकळीकार, गोमंतक भंडारी समाजाचे अध्यक्ष अशोक नायक, गोंय टॅनीस बॉल क्रिकेट संघटनेची उपाध्यक्ष संध्या पालयेंकार, रुपेश नायक, विरेंद्र माजीक, रामदास वरक, किर्तन वैझ, हरेश पार्सेंकार, अजिंक्य नायक हे उपस्थीत आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
