भांगरभूंय | प्रतिनिधी
भांगरभूंय । प्रतिनिधी
वास्कोः आल्त ब्रिटो- मांगोलहील- बायण रस्त्यार अवजड वाहनांत बंदी आसतनाय सिवरेज टँकर थंयच्यान व्हरतात. ताका लागून ह्या रस्त्यार येरादारीच कोयंडी जावपाचे प्रकार वाडपाक लागल्यात. इलतें आसूनय येरादारी पुलीस टँकर येरादारीचेर कसलीच कारवाय करनात. लोक ते खातीर तिडक उक्तायतना दिसतात.
व्हो रस्तो अशीर तशेंच देंवतेचो आसा. थंयच्यान अवजड वाहनां व्हरपाक बंदी आसा. मात पुलिसांचे ताचे कडेन लक्ष नाशिल्ल्यान सिवरेज टँकरवाले ह्या रस्त्या वयल्यान व्हरतात. हे टँकर वरुणापुरी हांगच्यान व्हल्त घेवन मांगोरहील हांगच्या बीएसएनएल चौकांतल्यान बायणा येतात. चौक तें खाप्रेश्वर देवूळ ते बायणा मेरेनचो रस्तो सामको अशीर आसा. ताचे कडेन रावपी लोक आनी दुकानदार आपलीं वाहना रस्त्यार पार्क करतात. ताका लागून रस्तो चडूच अशीर जाता आनी एक फावट दोन चार चाकी वाहनां व्हरपाक मेळनात. सिवरेज टँकर ह्या मार्गान वतात. तांचो त्रास लोकांक जाता तशेंच येरादारीची कोंयडीय जाता.
पुलिसांनी कारवाय करपाक सुरवात करतगीर सिवरेज टँकर चिखली चौकांतल्यान शारांतल्या एफएल गोम्स मार्गान काटे बायणा हांगच्या घाणयाऱ्या उदकाचेर प्रक्रिया करपी प्रकल्पांत व्हरताले. मात कांय म्हयन्यां उपरांत ही कारवाय थांबली आनी सिवरेज टँकर मांगोरहील बायणा रस्त्या वयल्यान व्हरपाक परत सुरवात जाली. सध्या व्ड तांकीचें टँकरूय ह्याच मार्गान येरादारी करतना दिश्टी पडटात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
