भांगरभूंय | प्रतिनिधी
भांगरभूंय । खबरां मेज
पणजीः झारखंडाचो मुख्यमंत्री हेमंत सोरेन हांणी आपल्या राज्या खातीर नवें अधिवास धोरण लागू करपाचो जो निर्णय घेतला ताका रिव्होल्युशनरी गोवन्सान (आरजी) येवकार दिला. हें धोरण 11 नोव्हेंबराक जावपी झारखंडाच्या खाशेल्या अधिवेशनांत मांडटले.
गोंयांत असो कायदो करपा खातीर आमी पोगो (पर्सन ऑफ गोवन ओरिजीन) विधेयक सादर केलें. मात भाजपान ते असंवैधानीक थारायलें. नव्या अधिवास धोरण पास केल्यार झारखंडातल्या मूळ लोकां खातीर तो इतिहासीक दीस थारतलो अशें आरजीचो फुडारी मनोज परब हांणी सांगलां.
आमी पोगो विधेयक तयार करून फाटल्या गोवा विधानसभेच्या अधिवेशनांत तें मांडपा खातीर सादर केल्लें. मात भाजपा तशेंच मुख्यमंत्री डॉ प्रमोद सावंत हांणी तें असंवैधानीक थारायलें. झारखंडातलें अधिवास विधेयक असंवैधानीक थारना जाल्यार आमचें पोगो विधेयक कसें असंवैधानीक थारता, असो प्रश्न परब हांणी राज्य सरकाराक विचारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
