भांगरभूंय | प्रतिनिधी
खबरां संस्था
मेलबर्नः ऑस्ट्रेलियेंतले टी-20 वर्ल्ड कप सर्तींत वांटेकार जाल्लो श्रीलंकेचो क्रिकेटीयर दनुष्का गिणतिलकेक अटक केल्या. शेनवारा श्रीलंकेन इंग्लंडा आड आपली निमाणी मॅच खेळ्ळ्या उपरांत ताका अटक जाली. ऑस्ट्रेलियन माध्यमांनी दिल्ले खबरे प्रमाण बलात्काराच्या आरोपा खाला ताका अटक केल्या. श्रीलंका पंगड ताका सोडून मायदेशांत गेलो.
डेटिंग अॅपच्या माध्यमांतल्यान वळख जाल्ले 29 वर्सा पिरायेचे चलेन गुणतिलकाचेर बलात्काराचो आरोप केला. सिडनी हांगा फाटल्या सप्तकां ही घडणूक जाली. आयतारा मध्यानरातीं 1 वरांचेर सुसेक्स स्ट्रीट हॉटेलांतल्यान गुणतिलकेक अटक केल्या ही खबर लिसांनी दुजोरा मानून घेतल्या.
ते चलयलेन आपल्याचेर आपल्या घरांत बलात्कार केल्ल्याची कागाळ करतगीर स्टेट क्रायम कमांड आनी पुलिसांनी अटकेची जोड कारवाय केली, अशी खबर ऑस्ट्रेलियेतल्या प्रसार माध्यमांनी दिल्या.
गुणतिलका जखमी जाल्ल्यान पंगडा भायर आशिल्लो. अशीन बंडारान ताची सुवात घेतल्या उपरांत तो ऑस्ट्रेलियेन रावल्लो. गुणतिलक शंबरां परस चड आंतरराष्ट्रीय मॅची खेळ्ळा. ताचेर 2018 वर्सा लेगीत बलात्कार केल्ल्याचो आरोप जाल्लो. ते उपरांत ताचेर निलंबनाची कारवाय केल्ली. मात तपासा उपरांत पुलिसांनी ताका सोडल्लो मात ताच्या इश्टाक अटक केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
