भांगरभूंय | प्रतिनिधी
संवसारीक टी-20 क्रिकेट सर्तीचे सेमी फायनलींतले रेसींतल्यान पयलींच भायर पडिल्ल्या नॅदरलॅण्डान झिम्बाब्वे पंगडाक 5 विकेटींनी हारयलो. हे हारीक लागन झिम्बाब्वेचें सेमी फायनलींत सुवात मेळोवपाचो मार्ग कठीण जाला.
मॅचींत नॅदरलॅण्डाच्या फास्ट बॉलरांनी आपलो शेक दवरलो. झिम्बाब्वेन स ओव्हरींनी फक्त 20 धांवड्यांचेर 3 विकेटी वगडायल्यो. मदल्या ओव्हरींनी लेगीत नॅदरलॅण्डाच्या बॉलरांनी बरी बॉलींग घाली. ताका लागून पाकिस्तानाक हारोवपी झिम्बाब्वेक फक्त 117 धांवड्यो करप शक्य जाल्यो.
मोखीचो फाटलाव करपी नॅदरलॅण्डाक मॅक्स ओ डॉड आनी टॉम कुपर हांणी सुरवातीक बशिल्ल्या धपक्यातल्यान भायर काडलो. 17 धांवड्यांचेर पयली विकेट पडिल्ली. ते उपरांत मॅक्स आनी कुपर हांणी दुसरे विकेटी खातीर 57 बॉलांनी 73 धांवड्यांची भागिदारी केली. ही भागिदारी गेम चेंजर सिद्ध जाली. 90 धांवड्यांचेर दुसरी विकेट पडली. कुपर 32 धांवड्यो करून तंबूंत परतलो. उरिल्ली औपचारिकताय नॅदरलॅण्डान पुर्ण करून सर्तींतलें पयलें जैत जोडलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
