भांगरभूंय | प्रतिनिधी
मडगांवः 1909 त वारकरी संप्रदाया वती सुरू जाल्ल्या श्री हरी मंदीर देवस्थान, मडगांव आयोजीत 113 व्या दिंडी महोत्सवाचें उक्तावण देवस्थानाचे पुरयत महेश हेगडे हांच्या फुडारपणा खाला वेद मंत्राच्या जयघोशांत दिवली पेटोवन जालें.
ह्या वेळार उद्देजक प्रवास नायक, मडगांवचे आमदार दिगंबर कामत आनी किर्तनकार विवेकबुवा जोशी हाजीर आशिल्ले. मानेस्तां हस्तुकीं दिवली पेटयली.
वारकरी संप्रदासायाची परंपरा श्री हरी मंदीर देवस्थान समितीन सांबाळून दवरिल्ले खातीर तांकां परबीं. गोंयांत आयज खूबशा समाजांतलीं भुरगीं किर्तन शिकपाक मुखार सरतात, ही खोशयेची गजाल. गोंयांत किर्तन म्हाविद्यालय जावपाची गरज आसा, अशें दिगंबर कामत हांणी सांगलें.
श्री हरी मंदीर देवस्थान समितीन मडगांवां एक सोबीत वास्तू उबी केल्ले खातीर प्रवास नायक हांणी समितीक परबीं भेटयलीं. सचीव मनोहर बोरकार हांणी सुत्रसंचालन केलें आनी उपकार मानले. ताचे आदीं देवळांत सांजे वेळार 5 वरांचेर राम रक्षा मंडळ, मडगांवच्या साधकां वतीन सुहास भट हांच्या फुडारपणा खाला राम रक्षा कार्यावळ जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
