भांगरभूंय | प्रतिनिधी
भांगरभूंय । प्रतिनिधी
मुरगांवः वास्को दत्तात्रेय मार्गा कुशीकच्या मुरगांव पालिकेच्या मार्केटांतल्या टॉयलेटाचें बीफ सेंटरांत रुपांतर करून केल्ल्या भ्रश्टाचार आड गोंय फर्स ह्या एनजीओचो निमंत्रक परशुराम सोनुर्लेकारान आता राज्य नगर उदरगत सचीव तशेंच दिल्लींत पंतप्रधान कार्यालयांत कागाळ दाखल केल्या.
बीफ सेंटर बंद करून थंय दादल्यां खातीर टॉयलेट सुरू करपाची मागणी सोनुर्लेकारान एाक निवेदना वरवीं मुरगांव पालिका मंडळाचो मुख्याधिकारी आनी पालिका प्रशासन संचालका कडेन केल्ली. तीन सप्तकां जालीं तरी तांणी कांय कारवाय केली ना म्हणून तांणी आता पंतप्रधान कार्यालयांत धांव घेतल्या.
मार्केटांतल्या टॉयलेटाचें 2006 वर्सा बीफ सेंटरांत रुपांतर केल्लें. बीफ सेंटर बंद करपाक पालिका अधिकारी अनमतनात, कारण हे सेंटर भ्रश्टाचार करून सुरू केलां असो सोनुर्लेकाराचो दावो आसा. पंतप्रधान नरेंद्र मोदी आपणे केल्ले कागाळेची दखल घेवन बीफ सेंटराचें परत टॉयलेटांत रुपांतर करपाचो आदेश राज्याच्या मुख्य सचिवाक दितले असो विश्वास तांणी उक्तायला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
