भांगरभूंय | प्रतिनिधी
भांगरभूंय । खबरां मेज
वास्कोः चिखले हांगच्या श्री नरसिंह सातेरी देवस्थान आवाठांत फाटल्या आयतारा 50001 दिवे पेटोवन दीपोत्सव मनयलो. रोटरॅक्ट क्लब ऑफ वास्को, रोटरी कल्ब, वास्को, आनी रोटरी क्लब ऑफ पोर्ट टावन, वास्को सम्राट क्लब, इनर नारे क्लब, श्रीराम कल्ब हांणी ही दीपोत्सव कार्यावळ आयोजीत केल्ली.
देवळाच्या आवाठांत महादेवाचो त्रिशूळ तशेंच नंदी, शिवलींग आनी स्वस्तिकाचे चित्र काडून तांचेर दिवे लायिल्ले. महादेव सेल्फ हेल्फ ग्रुपाच्या बायल वांगडी तशेंच हेर बायलो, तरणाटे आनी ल्हान भुरग्यांनी दिवे पेटोवन खोशी मेळयली. दीपोत्सवांत प्रियांक पंडित, संध्या व्येंकटेश, रुसेल डिसोझा, चंद्रकांत गांवस, पृथ्वी चौकीन, देवेंद्र शिरोडकार, दत्तराज गांवस हांणी वांटो घेतिल्लो.
ह्या निमतान राखी रेघु, तुलशीदास फळदेसाय, स्मिता मर्देकार, डॉ. पूजा कोरगांवकार, आरके एंटरप्रायझेस, भोसले तंत्रज्ञ, अनिरुद्ध सावंत, गौतम मन्नाकीकार, श्री नृसिंह सतेरी संस्थान अध्यक्ष हनुमंत गावडे, आदले अध्यक्ष हरी गावडे, श्री शांतादुर्गा लक्ष्मी नृसिंह सखल्यो देवस्थान सखवाल, श्री महारुद्र संस्थान नववाडे, आनी श्री महादेव हनुमान देवस्थान संस्थाचे प्रतिनिधी चिखले गोंयाक गुलाबाच्या फुलांनी भोवमान केलो. प्रकल्प वेवस्थापक दत्तराज गावस हांणी सगळ्यांक येवकार दिलो जाल्यार कार्यावळीचें सूत्रसंचालन रोहन बांदेकार हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
