भांगरभूंय | प्रतिनिधी
भांगरभूंय । प्रतिनिधी
वाळपयः गोंय धनगर सेवा संघाचे वर्सुकी बसकेंत फुडल्या पांच वर्सां खातीर धुळू धोंडो शेळके हाच्या फुडारपणा खाला नवी कार्यकारी समिती वेंचून काडली. धाकू पावणे हाचे येजमानके खाला ही बसका जाली. अस्तिमतो अध्यक्ष बी डी मोटे ह्या वेळार हाजीर आशिल्लो
समिती फुडले भशेन आसा- अध्यक्ष धुळू शेळके, उपाध्यक्ष- धोंडू बाबू ताटे, लक्ष्मण भागो झोरे, सचीव- गंगाराम दुलबा पावणे, जोड सचीव- चंद्रकांत भाजू पावणे, सुनील विठू खरवत, भांडारी- जानू काल पिंगळे, जोड भांडारी- विठोबा सिदो बोडके, राम भैरौ काळे, कार्याध्यक्ष- बाबू कोंडो झोरे, प्रशांत बाबी मोटे, सल्लागार समिती- माली बिरो यमकार, लक्ष्णण गंगाराम खरवत, धाकू रामा कवळेकार, अजय भागो शेळके, साईनाथ बोमो ताटे.
बीडी मोटे हांणी समाजाचे वाटचालींत म्हत्वाचें योगदान दिलां. समाजाक फुडें व्हरपा खातीर वेगवेगळे उपक्रम हातांत घेतले, अशी म्हायती नवो अध्यक्ष धुलू शेळके हांणे सांगलें. सत्तरी तालुक्यांतल्या समाज भावां खातीर खासा कार्यावळी हातांत घेवपाची गरज आसा. सगळे समाज भाव एकवटीत जाल्यार काम फुडें व्हरप सोपें जातलें अशें तांणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
