भांगरभूंय | प्रतिनिधी
भांगरभूंय । खबरां मेज
पणजी : साहित्य अकादेमी पुरस्कार मेळिल्ली कोंकणी लेखिका डॉ .जयंती नायक आनी संपदा कुंकळकार हांची 6 ते 9 नोव्हेंबर दरम्यान जावपी फोसवाल आंतरराष्ट्रीय साहित्य महोत्सवांत निवड जाल्या . ‘बिमस्टेक’ देशांत जावपी ह्या महत्वाच्या साहित्य महोत्सवांत भारता वांगडा बांग्लादेश, भुतान, म्यानमार, नेपाळ, श्रीलंका आनी थायलंडांतल्या साहित्यिकांचो आसपाव आसतलो. ह्या महोत्सवाचे आयोजक आनी सार्क लेखक संघटनेचे अध्यक्ष अजीत कोर हांणी ही घोशणा केल्या.
दर वर्सा जावपी ह्या साहित्य महोत्सवांत ह्या वर्सा प्रामुख्यान ‘आमचें साहित्य : पुराण आणि समकालीन’ या विषयाचेर स देशातलें साहित्यिक आपापली मतां मांडटले. पुराय ऑनलाईन जावपी ह्या महोत्सवांत 6 नोव्हेंबराक जयंती नायक मूळ कोंकणी कथा इंग्लिशिंतल्यान सादर करतलें. जाल्यार 7 नोव्हेंबराक संपदा कुंकळकार ‘ओथांबे’ ह्या रवींद्रबाब केळेकार हांच्या लेखसंग्रहाचो आपल्याचेर अशिल्ल्या प्रभावाविशीं उलयतलें
ह्या साहित्य महोत्सवाच्या उदघाटन सत्रात साहित्य अकादेमीचे अध्यक्ष डॉ. चंद्रशेखर कांबार हे मुखेल सोयरे म्हूण उपस्थित आसतले. साहित्य अकादेमीचे सचीव डॉ .के. एस .राव येवकार अध्यक्ष आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
