भांगरभूंय | प्रतिनिधी
भांगरभूंय । खेळां मेज
पणजीः सध्या सुरू आशिल्ले प्रो कबड्डी सिझन 9 खातीर दिवचल तालुक्यांतल्या पिळगांव हांगच्या तन्वेश तुळशीदास वेंगुर्लेकार हांणी तंत्रित अधिकारी म्हणून निवड केल्या. फोंडें हांगच्या हेडगेवार विद्यालयांत पीटी शिक्षक आशिल्ल्या तन्वेशना राष्ट्रीय कबड्डी सर्तींत गोंयचें प्रतिनिधीत्व केलां. फाटल्या सात वर्सां सावन तो गोंय कबड्डी असोसिएशनाच्या तशेंच हेर कबड्डी सर्तींत तंत्रिक अधिकारी म्हणून काम करता.
हालींच रुद्रपूर- उत्तराखंड हांगा जाल्ले 31वे राष्ट्रीय सब ज्युऩिअर सर्तींत तंत्रिक अधिकारी म्हणून ताणे काम पळयल्लें. उत्तर प्रदेशांत जाल्ले 68वे राष्ट्रीय सिनियर कबड्डी सर्तींत लेगीत तो तंत्रिक अधिकारी आशिल्लो. पोरूं गोंयांत जाल्ले सीएम ट्रॉफी कबड्डी सर्तींत राज्य संयोजक म्हणून ताणे काम केल्लें. प्रो कबर्डींत तंत्रिक अधिकारी म्हणून निवड जाली हे खातीर गोंयच्या खेळा मळार खोस उक्तायल्ली वता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
