भांगरभूंय | प्रतिनिधी
भांगरभूंय । प्रतिनिधी
फोंडेंः केशव स्मृती उच्च माध्यमीक विद्यालयाचें तळावली फोंडें हांगच्या महालक्ष्मी इंग्लिस हायस्कुलांत सात दिसाचें राष्ट्रीय सेवा येवजण निवासी शिबीर जालें. ताचे उक्तावण कार्यावळीक महालक्ष्मी हायस्कुलाचे वेवस्थापक शाणुदास सावंत तळावलीकार मुखेल सोयरे म्हणून हाजीर आशिल्ले. प्राथमीक शाळा वेवस्थापक उदय सावंत तळावलीकार ह्या वेळार हाजीर आशिल्ले.
शिबिरांत विद्यार्थ्यां खातीर जायते उपक्रम चालीक लायले. विदिना नायक हिणे मानसीक जाग्रुताय आनी तणाव वेवस्थापन कार्यशाळा घेतली. एमईएस उच्च माध्यमीक विद्यालयाचे आदले प्राचार्य स्वार हांणी योगा आनी ताचे फायदे हाची म्हायती दिली. यश्वी सांबारीन हस्तकला जाल्यार योगेश सांबारीन थिएटर कले विशीं विद्यार्थ्यांक मार्गदर्शन केलें. विद्यार्थ्यां खातीर नाच, समूह गीत, संगीत खुर्ची, स्कीट, उलोवप, अंताक्षरी अश्यो सर्ती जाल्यो. श्रमदाना वरवीं विद्यार्थ्यांनी महालक्ष्मी हायस्कूल वाठार नितळ केलो.
कॅम्प फायराक मुखेल सोयरे म्हणून विश्वनाथ सावंत तळावलीकार, शाणुदास तळावलीकार, शांबा देसाय, केशव स्मृती उच्च माध्यमिकाकचे अध्यक्ष पांडुरंग कोरगांवकार, प्राचार्य शंकर गांवकार हाजीर आशिल्ले. कार्यावळीचें सूत्रसंचालन शिक्षिका प्रीतल फळदेसाय हिणे केलें जाल्यार श्रद्धा साळगांवकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
