भांगरभूंय | प्रतिनिधी
भांगरभूंय । प्रतिनिधी
पेडणेः राष्ट्रीय म्हामार्ग 66चें धारगळ महाखाजन तें पत्रादेवी मजकतींचें 90 टक्के काम पुराय जालां. मात अजून सर्व्हिस रस्तो करपा खातीर सरकारान अजून जमीन ताब्यांत घेतली ना. गांवांनी वचपा खातीर रस्ते कसे तयार करतले हाचो प्रश्न संबंदीत गांवांतल्या लोकांक पडला. सद्या जे सर्व्हिस रस्ते आसात तांची सामकी अवतिकाय जाल्ले कडेन आसा.
म्हामार्गाक जोडपी सर्व्हिस रसते तशेंय कांय कडेन फ्लायओव्हर जावपीच गरज आसा. तांची रस्तो आराखड्यांत तजवीज केल्या काय ना हाची लोकांक अजून कांयच म्हायती ना. म्हामार्गा बांदपाचें कंत्राट घेतिल्ल्या एम व्ही आर कंपनची अजून मनमानी चल्ल्या. ताचो लोकांक त्रास जाता. म्हामार्गाचें काम बेजापसालदारपणान चल्ल्या अशी उमेश तळवणेकार हाची कागाळ आसा. सरकारान ताचेर अंकुश दवोरपाक जाय आशिल्लो मात कंत्राटदार सरकाराचें कांय आयकना अशें तांणे सांगलें.
म्हामार्गार नाका थंय फ्लायओव्हर बांदतात अशें लोकाचें म्हणणे आसा. विर्नोड्यांत सरकारी म्हाविद्यालया कडेन फ्लायओव्हराची गरज ना. विद्यार्थ्यांक मालपें व विनोर्डें जंक्शना कडेन म्हाविद्यालयांत वच्चें पडटलें. जे कडेन रस्तो हुबचो पडटा थंय फ्लायओव्हराचीं वेवस्था करची अशी लोकांची मागणी आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
