भांगरभूंय | प्रतिनिधी
भांगरभूंय । प्रतिनिधी
दिवचलः पंतप्रधान नरेंद्र मोदी हांचे सुचोवणे वयल्यान सुरू केल्ले ‘एक देश एक सारें’ येवजणे खाला कारापूर- साखळे हांगा किसान समृद्धी केंद्राचें मयेंचो आमदार तशेंच गोंय फलोत्पादन म्हामंडळचो अध्यक्ष प्रेमेंद्र शेट हांचे हस्तुकीं उक्तावण केले. भारत ह्या एकाच ब्रँड नांवा खाला अनुदानीत सारें विकपाची वेवस्था करपाक पीएम किसान सन्मान संमेलनांत सांगल्लें. मोदी हांणी भारत ह्या ब्रँडाचें उक्तावण केल्लें
कारापूरच्या अॅडव्हेन्टेज ग्रुपाच्या पारादीप फॉस्स्फेट आनी जय किसान जंक्शनाचे रुपांतर पंतप्रधान किसाम समृद्धी केंद्र अशें नांवकरण केलां. उक्तावण कार्यावळीक उत्तर गोंयचे प्रकल्प संचालक किशोर भावे, व दिवचलचे विभागीय कृशी अथिकारी प्रसाद जोग, कारापूर- सर्वणचे सरपंच दत्तप्रसाद कारखांडे आनी झुवारी अॅडव्हेन्टेज ग्रुपाचे पालवी वेवस्थापक मंदार सावयकार हाजीर आशिल्ले.
मदार सावयकार हाणे रसायन आनी सारें मंत्रालय आनी पारादीप फॉस्फेट हांच्या जोड पालवान सुरू केल्ल्या ह्या किसान केंद्राची म्हायती दिली. किशोर भावेन कृशी मळायलें नवें तंत्रगिन्यान आनी माती परीक्षणाचें महत्व सांगलें. प्रेमेंद्र शेट हांणी नवी तंत्रगिन्यानाचो उपेग करून राज्यांतलें भाजी उत्पादन वाडोवपाक मजत करपाचें आवाहन शेतकारांक केलें.
तंत्रगिन्यानाची जोड दिवन शेती वेवसाय करपी विनोद बर्वे, उदय भाटे, सखाराम पेडणेकार, लक्ष्मीकांत धोंड हांचो ह्या वेळार भोवमान केलो. कार्यावळीचें सूत्र संचालन सुमीत दळवी हांणी केलें आनी सागर सावंत हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
