भांगरभूंय | प्रतिनिधी
भांगरभूंय । खबरां मेज
पणजीः नेहरू युवा केंद्रा वतीन आयज (19 ऑक्टोबर) साखळेच्या रवींद्र भवनांत युवा उत्सवाचें आयोजन केलां. मुख्यमंत्री डॉ प्रमोद सावंत हे ताचें उक्तावण करतले. ह्या वेळार खेळ आनी युवा वेव्हार मंत्री गोविंद गावडे, खेळां सचालक अजय गावडे, रवींद्र भवनाचो उपाध्यक्ष विठोबा गावडे, राष्ट्रीय सेवा येवजणेचे राज्य संयोजक डॉ नितीन सांवत, नेहरू युवा केंद्राचो उपसंचालक कालिदास घाटवळ हाजीर रावतले.
युवा संवाद हे कार्यावळींत निवृत्त पुलीस अधिकारी महेश गांवकार आनी डॉ शेखर साळकार तरणाट्यां कडेन संवाद करतले. सांजे जावपी समारोपाचे कार्यावळींत उत्तर गोंय जिल्हो पंचायत अध्यक्ष सिद्धेश श्रीपाद नायक, उजो पालोवपी दलाचे संचालक नितीन रायकार, जिल्हो पंचायत वांगडी गोपाळ सुर्लकार हाजीर रावतले.
दिसभर चलपी ह्या युवा उत्सवांत उलोवपाची सर्त, कविता लेखन सर्त, पेंटींग सर्त, फोटोग्राफी सर्त, देशभक्ती समूह गायन सर्त, लोकनाच सर्त जातली. शिक्षणीक तशेंच युवा संस्थाचे मेळून चारशें परस चड तरणाटे वांटेकार जातले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
