भांगरभूंय | प्रतिनिधी
येजमान गोंयान पयले राष्ट्रीय हॉकेट सर्तींत दोट्टी किताब जिखलो. ताणें दादल्यांच्या आनी बायलांच्या गटांतलें सांघीक वस्तादपण जोडलें. नावेलीच्या मनोहर पर्रीकार इन्डोर स्टेडियमांत सर्तीचें आयोजन केल्लें.
गोंयच्या दादल्यांच्या पंगडान सर्तींतल्या हेर गटांनी एकोड्यांत तिसरी, दोट्टींत दुसरी, तिट्टीत तिसरी आनी मिश्र दोट्टींत पयली सुवात मेळयली. बायलांच्या पंगडान एकोड्यांत पयली, तिट्टींत दुसरी, मिश्र दोट्टी गटांत पयली सुवात मेळयली.
गोंयच्या पंगडांत सुनील गांवकार (मुखेली), संदीप गांवकार, निलेश गांवकार, दिवाकर गांवकार, संदेश गांवकार, सर्वेश गांवकार, अनीश गांवकार, दिलीप वेळीप, अभिषेक वेळीप, स्नेहल वेळीप, धनंजय वेळीप, गौतेश वेळीप हांचो आस्पाव आशिल्लो. पंगडाक यशवंत गांवकारान मार्गदर्शन केल्लें. जाल्यार भुषण वेळीप पंगडाचे वेवस्थापक आशिल्ले.
बायलांच्या पंगडाचें फुडारपण सुनय्या गांवकारान केलें. तिचे खेरीत ललिता गांवकार, प्रिया गांवकार, रोविना गांवकार, कृतिका गांवकार, सिंदिया गांवकार, अश्विता गांवकार, निमिक्षा गांवकार, निविधा गावडे, कृतिका वेळीप, अर्पिता वेळीप, सुजाता वेळीप, संजिला वेळीप आनी साईच्छा वेळीप हांंणी गोंयच्या बायलांच्या पंगडाचें प्रतिनिधित्व केलें.
इनामां भेटवण सुवाळ्याक गोंय खेळां प्राधिकरणाचे कार्यकारी संचालक अजय गावडे, खेलो इंडियाचे गोंय विभागीय संचालक सुमीत, हॉकेट राष्ट्रीय म्हासंघाचे अध्यक्ष प्रेम कुमार, गोंय हॉकेट संघटनेचे अध्यक्ष संजय शेटकार, सचीव अंजली गांवकार, वांगडी संजना शेटकार हीं उपस्थीत आशिल्लीं.
यशवंत गांवकारान उपकाराचें उलोवप केलें, जाल्यार अशोक गांवकारान सुत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
