भांगरभूंय | प्रतिनिधी
भांगरभूंय । प्रतिनिधी
पणजीः नुस्तें वेवसाय खात्या कडेन नोंदणी केल्ल्या नुस्ते वेपाऱ्यांक मालीम जेटीर नुस्तें घेवपा खातीर भिरत घेतले असें खात्याचो मंत्री नीळकंठ हळर्णकार हांणी स्पश्ट केलां. सध्या कोणूय नुस्ते वेपारी म्हणून जेटीर येवन विकपा खातीर नुस्ते व्हरपाक लागल्यात अशें सागून नोंदणी केल्ल्यांकूच जेटी घेवपाचो आदेश अधिकाऱ्यांक दिला अशी म्हायती तांणी दिली.
सध्या नुस्ते विकपाच्या बेकायदेशीर वेवसाय कांय लोक करपाक लागल्यात. जेटीचेर येतात तांचे कडेन परवाने आसात काय ना, हे पळोपाक खात्याक सांगला. वेपार परवाने आशिल्ल्यांकूच नुस्तें विकतें घेवपाक मेळटलें अशें हळर्णकार हांणी सांगलें.
खंयच्याय ट्रॉलर धनयाची सतावणूक करनाकात अशें मांडवी सहकारी सोसायटीच्या पदाधिकाऱ्यांक सांगलां. एका ट्रॉलर धनयाचें नुस्ते विकतें घेतलें ना ही गजाल सामकार आयल्या. ताची चवकशी करपाक सांगल्या. मांडवी सोसायटीन नुस्तें वेवसाय आपल्या ताब्यांत घेवपाचो यत्न करचो न्हय अशी शिटकावणी मंत्र्यान दिल्या. चडांत चड गोंयकार नुस्ते वेवसायांत येवचे असो सरकाराचो यत्न आसा अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
