भांगरभूंय | प्रतिनिधी
भांगरभूंय । प्रतिनिधी
फोंडेंः सातोण- दाबाल हांगचो पंच वांगडी भोला गांवकार आनी रमाकांत गांवकार ह्या भावांच्या घरा कडेन बुधवारा मध्यान रातीं परत एक मानगें दिसलें. प्राणी इश्ट चरण देसाय हांकां कळयतगीर तांणी घरा कडेन वचून ताका धरलें. तें सुमार 10 फूट लांब आसा आनी फाटीर जखम जाल्ल्यान ताचेर व्हॅटरनरी दोतोरा कडल्यान उपचार केले.
बुधवारा हें मानगें लोक वस्तींत आयलें. लागींच दूदसागर न्हंय आसा. फाटल्या 25 सप्टेंबराक लेगीत एका मानग्याक थंय धरिल्लें. तें साडेसात फूट लांब आशिल्लें. ह्या वाठारांत दुसरे फावट मानगें आयिल्ल्यान लोकां मदीं भिरांत पातळ्ळ्या. ह्या मानग्याक धरपाक चरण देसाय हांका मधुराज नायक, विश्वव नायक, भोला गांवकार, अतिश गांवरार आनी अंकित गावडे हांणी
मजत केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
