भांगरभूंय | प्रतिनिधी
भांगरभूंय I प्रतिनिधी
मडगांव: भाजपाचे नगरसेवक दामोदर शिरोडकार हांणी मंगळारा नगराध्यक्षपदा खातीर आपलो उमेदवारी अर्ज दाखल केलो. नगराध्यक्षपदा खातीर शिरोडकार हांचो एकूच उमेदवारी अर्ज आयिल्ल्यान ते मडगांवचे नवे नगराध्यक्ष जावपाचें लागीं लागीं निश्चीत जालां. बुधवारा जावपी बसकेंत तांची निवड जाहीर करतले.
नगराध्यक्ष पदाचे वेंचणुके खातीर हात वयर करून वेंचणूक जावपाची आसा. देखून विरोधी गटान वेंचणुकेचेर बहिश्कार घाला आनी आपलो उमेदवार उबो करूंक ना. शिरोडकर हांणी तीन उमेदवारी अर्ज भरले. तांकां दामोदर वरक, कामील बार्रेटो आनी डॉ. रोनीता आजगांवकार हांणी अनुमोदन दिलां.
हाचे आदीं दामोदर शिरोडकार हांचो नगराध्यक्ष पदाचे वेंचणुकेंत घनश्याम शिरोडकार हांचे कडल्यान पराभव जाल्लो. दामोदर शिरोडकार हांकां 10 जाल्यार घनश्याम शिरोडकार हांकां 15 मतां पडिल्लीं. त्या वेळार भाजपाच्या 5 नगरसेवकांनी विरोधांत मतदान केल्लें. परत अशी पाळी येवची न्हय म्हणून 17 नगरसेवकांक सोमारा बेताळभाटीच्या एका हाॅटेलांत दवरिल्ले. तांकां भायले भायर पालिकेंत हाडले म्हणपाची खबर पालिकेच्या सुत्रांनी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
