भांगरभूंय | प्रतिनिधी
भांगरभूंय । प्रतिनिधी
दिवचलः कारापूर सर्वण पंचायत वाठारांत सर्वण गांवांत वचपाच्या रस्त्यार एके बायलेक दुचाकी वयल्यान आयिल्ल्या दोन बिगर गोयंकार तरणाट्यांनी पत्तो विचारपाक म्हणून तिका थांबयलें मात तिचो घोव थंय आयिल्ल्यान तांणी पळ काडलो. फाटल्या सोमाराक हो प्रकार घडलो. बायलेचें मंगळसूत्र झोमून व्हरपा खातीर ते आयिल्ले असो दुबाव आसा.
हे घडणुकेक लागून लोकां मदीं भिरांत पातळ्ळी. कर्नाटकांत नोंदणी केल्ले दुचाकी वयल्यान दोगून आयिल्ले. आमी पुलीस आसात, फुडें गांव आसा अशें तांणी आपल्याक विचारलें अशें ते बायलेन सांगलें. त्या वेळार तिणे घोवाक उलो मारलो. तो येता तें पळोवन ते दुचाकी घेवन पळ्ळे. साखळे- दिवचल रस्त्यार सर्वण बसस्टॉपार देंवून जायत्यो बायलो सर्वण गांवांत चलत वतात. रस्त्यार कोणूच नासता. ताका लागून मंगळसूत्रां झोमून व्हरपाची शक्यताय आसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
