भांगरभूंय | प्रतिनिधी
डॉ. सावंत: सी. ई. एस. म्हाविद्यालयाक पालक-शिक्षक संघान भेटयलो स्मार्ट बोर्ड
पणजीः शिकप आनी शिकोवपाचे प्रक्रियेंत आयच्या काळांत तंत्रज्ञानाचो वापर करप खूब म्हत्वाचें, अशें कुंकळ्ळेंच्या सी. ई. एस् म्हाविद्यालयाचें प्राचार्य डॉ. संजय सावंत हांणी डिजीटल स्मार्ट बोर्डाचें उक्तावण सुवाळ्याक सांगलें.
स्मार्ट बोर्डाचें उक्तावण पालक- शिक्षक संघाची अध्यक्ष क्रिस्टीन रेगो हांणी केलें.
ह्या वेळार पालक- शिक्षक संघाचे संयोजक सहयोगी प्राध्यापक आनंद देसाय, भांडारी विजय मोपकार, शिक्षक, पालक वांगडी आनी विद्यार्थी हजर आशिल्ले.
नवें राष्ट्रीय शिक्षण धोरण सोदपा खातीर देशांतलें शिक्षणीक मळ म्हायती आनी संचारण तंत्रज्ञानाच्या नदरेन नवीं नवीं तंत्रा आपणायत आसा. शिकप आनी शिकोवप हे प्रक्रियेक सद्या तंत्रज्ञानाची सांगड घालप खुबूच गरजेचें थारलां. ताका लागून सी. ई. एस. म्हाविद्यालय, कुंकळें हांच्या पालक-शिक्षक संघटने वतीन डिजीटल स्मार्ट बोर्डाची वेवस्था पालक-शिक्षक पंगडाच्या निधींतल्यान केल्या. म्हाविद्यालयांत अश्या वट्ट चार स्मार्ट बोर्डांची वेवस्था आसा.
नवोच बसयल्ल्या स्मार्ट बोर्डाचो वापर करून शिक्षकांक आपलो विशय विद्यार्थ्यां मेरेन पावोवपाक अदीक मजत जातली हातूंत दुबाव ना. म्हाविद्यालयांत बसयिल्ले सगळे स्मार्ट बोर्ड वायफायक जोडिल्ले आसात. पालक-शिक्षक संघटणेन म्हाविद्यालयाचे उदरगतीक हातभार लायिल्ल्यान महाविद्यालयान तांचे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
