भांगरभूंय | प्रतिनिधी
भांगरभूंय । प्रतिनिधी
दिवचलः सेझा- वेदांता कंपनीन सुमार साडेआठशें कामगारांक कामा वयल्यान काडून उडोवपाच्या प्रस्तावाक केंद्रीय पांवड्यार जी मंजुरी दिल्या ती आमची बाजू समजून घेनास्तना दिल्या. ताचे आड आमी उच्च न्यायालयांत दाद मागतले अशें सेझा कामगार युनियनाचो कायदो सल्लागार अजय प्रभुगांवकार हांणी एके पत्रकार परिशदेंत दिली. खणी सुरू जायमेरेन कामगारांक वेदांताच्या आमोणे हांगच्या प्रकल्पात आसपावून घेवपा खातीर राज्य सरकारान यत्न करपाची मागणी तांणी केल्या.
कामगारांक घरा धाडल्यार फाल्यां खणी सुरू जातगीर त्यो कोण चलयतलो असो प्रश्न करून कामगारांक दिल्लें उतर मुख्यमंत्र्यांनी पाळपाक जाय अशें तांणी सांगलें. केंद्रीय मजूर मंत्रालयान आमची फटवणूक केल्या. कामगारांचे साबार बसकेंत केंद्र सरकाराचो निशेध केला. जर थळाव्यांक काम दिवचे नात जाल्यार खणी सुरूच करच्यो न्हय अशें कामगारांनी सांगलां अशें प्रभुगांवकार हांणी सांगलें.
कामगारांच्या हिताची राखण सरकारान करपाक जाय. ते खातीर मुख्यमंत्री डॉ सावंत हांणी यत्न करपाक जाय. कामगारांच्या साबार बसकेंत उच्च न्यायालयांत वचपाचो निर्णय घेतलो अशें तांणी सांगलें. बसकेंत युनियनाचो अध्यक्ष नीलेश कारबोटकार, किशोर लोकरे हांणी मार्गदर्शन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
