भांगरभूंय | प्रतिनिधी
भांगरभूंय । प्रतिनिधी
काणकोणः काणकोण तालुको प्राथमीक शिक्षक सहकारी पत संस्थे वतीन तालुक्यांतल्या 6 निवत्त प्राथमीक शिक्षकांचो भोवमान मुखेल सोयरी रोहिणी बांदेकार ऊर्फ शिरोडकार हांचे हस्तुकीं केलो. ह्या वेळार माचयेर संस्थेचे अध्यक्ष अर्जुन गांवकार, उपाध्यक्ष आरती भंडारी, भांडारी सुनंदा देसाय, संचालिका शीतल पागी, अक्षदा देसाय, मेघन देसाय, विवेकानंद प्रभुगांवकार, गजानन गांवकार, आनंद पैंगीणकार आशिल्ले.
सध्याच्या काळांत शिक्षकी पेशा म्हणल्यार एक आव्हान आसा. ते खातीर दरेका शिक्षकान जापसालदारीन काम करपाक जाय अशें रोहिणी बांदेकारान सांगलें. ह्या वेळार शिक्षकांच्या गुणेस्त भुरग्यांचो भोवमान केलो. 10वेत बरे गुण घेवन पास जाल्लें भूमी राजेंद्र गोसावी, पज्ञा गजानन गांवकार, स्वराज संजय नायक गांवकार, 12वे विज्ञान फाट्यांतलो सिद्धार्थ विवेकानंद प्रभुगांवकार, राहिल रत्नाकर वेळीप तशेंच कला फाट्यातलें पूर्वा देविदास कामत हांचो भोवमान केलो.
सुरवेक अर्जुन गांवकारान सगल्यांक येवकार दिलो, सूत्रसंचालन आनंद पैंगीणकारान केलें, विवेकानंद प्रभुगांवकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
