भांगरभूंय | प्रतिनिधी
भांगरभूंय । प्रतिनिधी
पणजीः गोंयांत व्हडा प्रमाणां घुंवळी वखदां वेव्हार, दरोडे, खून जावपाक लागिल्ल्यान कायदो आनी सुवेवस्थेचो प्रश्न उप्रासला. ती नियंत्रणांत हाडपाची मागणी करपी रिव्होल्युशनरी गोवन्साचे अध्यक्ष मनोज परब, आमदार विरेश बोरकार आनी हेर वांगड्यांनी मंगळारा पुलीस म्हासंचालकाची भेट घेवन तांका निवेदन भेटयलें. राज्यांत आशिल्ल्या झोपडपट्टींत पुलिसांक दवोरपाची मागणी तांणी केल्या.
राज्यांतली कायदो आनी सुवेवस्था हाताभायर गेल्या. गुन्यांव करपी चडांत चड लोक गोंयां भायले आसात. ते बेकायदेशीर झोपडपट्टींत रावतात. ताका लागून थंय रावपी लोकांची आधारकार्डा मतदार वळखपत्रांकडेन जोडपाची गरज आसा. ताका लागून तांचेर नियंत्रण दवोरप शक्य जातलें अशें मनोज परब हांणी सांगलें.
राज्यांत भेळपुरीचीं दुकांनी परप्रांतीय चलयतात. ती रातीं उसरां मेरेन उक्तीं आसतात. अन्न आनी वखदा प्रशासन खात्यान तांचेर नदर दवोरपाक जाय. हे भेळपुरीवाले घुंवळी वखदांची पुरवण करतात हे हाचे पयलीं दिसून आयलां. हे विशीं चवकशी करपाची गरज आसा अशें परब हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
