भांगरभूंय | प्रतिनिधी
म्हापशें: अस्नोड्यां उदक शुद्दीकरण प्रकल्पांत बुधवारा 14 सप्टेंबराक ताकतिकेचें दुरुस्तीकाम हातांत घेतले. ताका लागून त्या दिसा पुराय दीस पुराय बार्देस म्हाल आनी दिवचल म्हालांतल्या कांय वाठारांनी मर्यादीत उदका पुरवण जातली. चड करून बार्देसांतल्या हळदोणें, शिवोली आनी म्हापशें मतदारसंघात मर्यादीत उदका पुरवण जातली. हेर वाठारांनी सुरळीत उदका पुरवण जातली, अशें संबंदितांनी कळयलां. भौशीक बांदकाम खात्याच्या उदका पुरवण विभागा वतीन बुधवारा सकाळीं 9 ते सांजेच्या 7 वरां मेरेन प्रकल्पांतल्या तिनांतल्या एका प्लांटाची दुरुस्ती करतले. ह्या प्लांटाचे उदकाचे पायपलायनीक गळटी लागिल्ल्यान हें काम हातांत घेतलां. दुरुस्ती वेळार कांय ताकतिकेची स्थिती निर्माण जाली जाल्यार लोकांची गैरसोय जावची न्हय हे खातीर पुराय बार्देस म्हालाक वयली सुचोवणी दिल्या, अशी म्हायती भौशीक बांदकाम खात्याच्या वरिश्ठ अधिकाऱ्यांनी दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
