भांगरभूंय | प्रतिनिधी
व्हाळवाटाची पातळी वाडली, न्हंयेंत पंपिंग सुरू
भांगरभूंय । प्रतिनिधी
दिवचलः दिवचल म्हालांत सोमाराय दीसभर पावसाचो नेट आशिल्लो. ताका लागून तिळारी सयत दिवचल तशेंच व्हाळवाट न्हंयेच्या पात्रांत वाड जाल्या. शेनवारा वरीच आयताराय सांखळे बाजारांत उदक घुसलेंच न्हय हे खातीर पंपिंग चालूच दवरिल्लें. सोमाराय तें चालू आशिल्लें.
अंजुणें धरणाची पातळी 93.26 मिटर मेरेन वाडल्या. धरणाचीं चारूय दारां उक्तीं केल्यांत. धरणांतल्या 28.50 क्युमेक्स उदकाचो विसर्ग सुरू आसा, अशी म्हायती धरण अभियंते रामा गांवस हांणी दिली. तिळारी न्हंयेन धोक्याची पातळी आयताराच हुपिल्ली. कालूय तिळारी वाठारांत पावसाचो नेट चालू आशिल्लो. कांय रस्ते उदका पोंदां गेल्यात. शापोरा न्हंयेच्या पात्रांत वाड जायत आसा. खोलगट वाठारांनी हुवाराची स्थिती निर्माण जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
