भांगरभूंय | प्रतिनिधी
भांगरभूंय । प्रतिनिधी
काणकोणः काणकोण ज्येश्ठ नागरीक मंचा वतीन काणकोण तालुक्यांतल्या बरे गुण घेवन पास जाल्ले विद्यार्थी तशेंच तालुक्यांत 100 टक्के निकाल लागिल्ल्या हायस्कुलांचे मुख्याध्यापक आनी पिरायेचीं 80 वर्सा पुराय केल्ल्या ज्येश्ठ नागरीकांचो भोवमान केलो.
शेळेर हांगच्या सरकारी उच्च माध्यमीक विद्यालय सभाघरांत जाल्ले हे कार्यावळीक सभापती रमेश तवडकार मुखेल सोयरे म्हणून हाजीर आशिल्ले. काणकोणचे नगराध्यक्ष रमाकांत नायक गांवकार, आदलो नगराध्यक्ष सायमन रेबेलो, ज्येश्ठ नागरीक मंचाचो अध्यक्ष डायगो डिकॉस्ता, रत्नाकर काणकोणकार, गिल्हेर्म मार्टिन्स, झुलो शेट, आरएस नायक आनी गौतमी नायक माचयेर आशिल्लें.
ह्या वेळार नातिविदाद डिसा, राजेंद्र देसाय, सदानंद देसाय, गिल्हेर्म मार्टिन्स ह्या जेश्ठांचो तशेंच धावेचे परीक्षेंत काणकोण तालुक्यांत पयलें आय़िल्ले शायना मिराशी (सेंट तेऱेझा) दुसरे नंबर मेळोवपी पूर्वा नायक (निराकार विद्यालय) हांचो भोवमान केलो. भार्गवी वारीक (एस.एस.आंगले), स्नेहा भंडारी (एस.एस. आंगले), अंगिता गोविंद गांवकार (एस.एस.आंगले), उमंग नायक देसाय (श्री मल्लिकार्जुन उच्च माध्यमीक) ह्या बारावेच्या विद्यार्थ्यांचो तशेंच दीप गांवकार ( बीए), प्रीती गांवकार (बी.कॉम), प्रवीण गांवकार ( बी.एस.सी) हांचोय मानेस्तांचे हस्तुकीं भोवमान केलो.
‘काणकोण व्हिजन’ या संकल्पनेतर्फे ज्येष्ठ नागरिकाना कसा फायदा करुन देता येईल तो देण्यात येईल तसेच काणकोणची सर्वांगी उदरगत हेच आपलें ध्येय आसा अशें रमेश तवडकार हांणी ह्या वेळार सांगलें. रमाकांत नायक गांवकार, सायमन रेबेलो हांणी आपलें मनोगत उक्तायलें. कार्यावळीचें सूत्रसंचालन आर बी एस कोमरपंत हांणी केलो. आर एन नायकान येवकार दिलो आनी नंदा सतरकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
