अतिष-सुशांत जोडयेक कॅरम सर्तींत वस्तादपण

भांगरभूंय | प्रतिनिधी

भाटी-शिरोडेंच्या ओंकार भौशीक गणेशोत्सव मंडळान आयोजीत केल्ली शिरोडें मतदारसंघ मर्यादीत दोट्टी कॅरम सर्त अतिष नायक आनी सुशांत नायक हे जोडयेन जिखली.
फायनलींत तांणी सर्वेश नायक आनी अवधूत नायक हे जोडयेक हारयली. ह्या जैतान अतिष आनी सुशांत हे जोडयेक 3 हजारांचें इनाम, करंड आनी प्रमाणपत्र फावो जालें.
इनाम भेटवण सुवाळ्याक आदले आमदार महादेव नायक, गोवनवार्ता लायव्हचे संपादक किशोर नाईक गांवकार हे उपस्थीत आशिल्ले. सर्तींत वट्ट 24 जोडयांनी सर्तीत वांटो घेतिल्लो.
दोट्टी सर्ती खेरीत एकोड्या गटांत लेगीत सर्त जाल्ली. ह्या गटांतले सर्तीक लेगीत बरो प्रतिसाद मेळिल्लो. सर्त भाटी शिरोडेंच्या श्री ओंकार भौशीक गणेशोत्सव मंडळाच्या सभा मंडपांत जाली. एका खाशेल्या सुवाळ्यांत इनामां भेटयलीं.