भांगरभूंय | प्रतिनिधी
ए जे कम्बोर्डान गूड शेफर्ड करंड फुटबॉल सर्त जिखली. फायनलींत ताणें युथ ऑफ कुडतरीक टायब्रेकरांत हारयलो. गूड शेफर्ड चॅरिटी ट्रस्टान कुडतरीच्या सेंट आलेक्स चर्च मैदानाचेर सर्तीचें आयोजन केल्लें.
निर्धारीत वेळांत ए जे कम्बोर्डा वतीन मॅक्सन फर्नांडीसान गोल केलो. जाल्यार अॅंथनी फर्नांडीसान युथ ऑफ कुडतरी वतीन बरोबरीचो गोल केलो. पुर्ण वेळाच्या खेळांत दोनूय पंगड 1-1 अशे बरोबरींत उरिल्ल्यान निकाल लावपाक टायब्रेकराचो आदार घेवचो पडलो. टायब्रेकरांत ए जे कम्बोर्डान जैत जोडलें.
इनामां भेटवण सुवाळ्याक मुखेल सोयरे म्हणून आमदार आलेक्स रेजिनाल्ड लॉरेन्स उपस्थीत आशिल्ले.
हेर वैयक्तीक इनामांः मॅक्सन फर्नांडीस (फायनलींतलो पयलो गोल, ए जे कम्बोर्डा), अॅंथनी फर्नांडीस (सर्तींतलो उदेंतो खेळगडो, युथ ऑफ कुडतरी), जॉन्सन बोगोत (उत्कृश्ट गोलकीपर, ए जे कम्बोर्डा), अॅलिस्टन फर्नांडीस (मॅन ऑफ द मॅच, ए जे कम्बोर्डा), मायसन फर्नांडीस (उत्कृश्ट डिफॅण्डर, युथ ऑफ कुडतरी).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
