भांगरभूंय | प्रतिनिधी
भांगरभूंय । प्रतिनिधी
दिवचलः साखळी मतदारसंघांतल्या वेळगें भौशीक गणेशोत्सव मंडळान घेतिल्ले आमंत्रीत घुमट आरती सर्तींत पेडणेच्या हेरंब आरती मंडळान पयलें इनाम मेळयलें. मुख्यमंत्री डॉ प्रमोद सावंत हांणी ह्या वेळार हाजीर रावन गणपतीचें दर्शन घेतलें.
घुमट आरती सर्तीचें उक्तावण जिल्हो पंचायत वांगडी गोपाल सुर्लकार हांचे हस्तुकीं जालें. परिक्षक म्हणून राजेंद्र फडके, सुनील माऊसकार हांणी काम पळयलें. विष्णू वेळगेकारान सगल्यांक येवकार दिलो. सर्तींतलें दुसरें इनाम श्री मोरेश्वर आरती मंडळ- मुळगांव आनी तिसरें इनाम श्री वैरागी आरती मंडळ, मडकय, चवथें इनाम श्री कारेश्वर आरती मंडळ- लामगांव हांका फावो जालें. दत्तात्रय आरती मंडळ, वेळगें हांका मेळ्ळें. समेळ वादनाचें इनाम सातेरी पिसानी मंडळ, दाभाळ, कासाळें वादनाचे साखळेश्वर मंडळ, मडकय आनी गजराचें इनाम गुरुदेव आरती मंडळ- पाळी हांका दिलें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
