भांगरभूंय | प्रतिनिधी
भांगरभूंय I प्रतिनिधी
पणजी : आयआयटी खातीर सांग्यातलीच जमीन निश्चीत करतले. सरकारी जमनींत आयआयटी जातली. आयआयटी कडल्यान पळोवणी जाले उपरांत जमनी विशीं कबलात जातली, अशें मुख्यमंत्री डॉ. प्रमोद सावंत हांणी सांगलें.
मुख्यमंत्री डॉ. प्रमोद सावंत हांणी सोमारा सांग्यार भेट दिली. ह्या वेळार तांणी ही म्हायती दिली. सांग्यार सरकारी जमनींत आयआयटी जातली. कोणा कडल्यानूच जमीन घेवपाची गरज पडची ना. आयआयटीच्या अधिकाऱ्यांनी जमनीची पळोवणी करपाची गरज आसा. अधिकाऱ्यांनी पळोवणी केले उपरांत जमनी विशीं कबलात जातली. जमनीचो सर्वे जावपाक कळाव जाला. जमनीची कबलात जाले उपरांत प्रकल्पाच्या कामाक सुरवात जातली. 5 हजार लोकांची वेवस्था जातली, अशे तरेचो कॅम्पस तयार जातलो, अशें मुख्यमंत्री डॉ. प्रमोद सावंत हांणी सांगलें.
आयआयटी खातीर पयलीं काणकोणचो विचार जाल्लो. काणकोणा विरोध जाले उपरांत सत्तरींत मेळावली हांगा जमीन निश्चीत जाल्ली. पूण प्रकल्पा विरोधांत थळाव्यांनी आंदोलन केले उपरांत प्रस्ताव फाटी घेतलो. हाचे उपरांत आतां सांग्यार आयआयटी प्रकल्प उबारपाचो विचार सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
