भांगरभूंय | प्रतिनिधी
गुजरातांत जावपी 36वे राष्ट्रीय खेळां सर्ती खातीर गोंय फुटबॉल संघटनेन बायलांचो फुटबॉल पंगड वेंचलो. मॅची 1 ऑक्टोबरा पसून अहमदाबादांत सुरू जातल्यो.
गोंयच्या बायलांच्या फुटबॉल पंगडाक उपांत्यपुर्व फेरी सांखळी फेरयेंत खेळचें पडटलें. मिझोराम, मणिपूर आनी तामिळनाडू हे गटांतले हेर पंगड आसात. निवड जाल्ल्या खेळगड्यांचें निवासी शिबीर सोमारा पसून म्हणल्यार 5 सप्टेंबरा पसून म्हापशेंच्या धुळेर स्टेडियमाचेर जातलें.
अखील भारतीय फुटबॉल म्हासंघाचे आदले प्रशिक्षक मेमॉल रॉकी, पंगड प्रशिक्षक माबेल मास्कारेन्हस, सहाय्यक प्रशिक्षक अनुन्सियाकाव रॉड्रिग्स हांच्या मार्गदर्शनाखाला शिबीर जातलें. अॅंथनी लोबो पंगड वेवस्थापक आसतले.
खेळगड्यांनी सोमारा दनपारां तीन वरांचेर धुळेर मैदानाचेर पंगड वेवस्थापक वा प्रशिक्षक हांचे कडेन संपर्क सादचो पडटलो.
वेंचिल्ले खेळगडेः अन्सेला बार्रेटो, अलिशा तावारीस, व्हिनोष्का फर्नांडीस, मेलोष्का कार्व्हालो, लैफा कार्व्हालो, रिझेला आल्मेदा, अॅनेला बार्रेटो, वेलंका डिसोझा, रिया पिरीस, जौझिमा फर्नांडीस, नेव्हिला कुलासो, कॅरेन एस्ट्रोसियो, करिष्मा शिरवयकार, कुलसुम शेख, अर्पिता पेडणेंकार, प्रीती केसरकार, मिशेल कास्तान्हा, सुष्मिता जाधव, फ्लानी कॉस्ता, नमिता गोवेकार.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
