भांगरभूंय | प्रतिनिधी
वास्को : माटवे-दाबोळी, वास्को ह्या रस्त्यार बुधवारा सकाळीं रस्त्यावेल्यान वचपी स्कुटरीचेर एक व्हड झाड अचकीत कसोळ्ळें आनी हातूंत चालकाक जाग्यारूच मरण आयलें. हें रस्त्या कुशीकचें झाड फ्रांसिस्को नुनेस (६०, जेटी, सडा) हांचे खातीर काळ जावन आयलें आनी तांचो जीव घेवन गेलें.
झाड पडले उपरांत कांय काळ ह्या मर्गावेली येरादारी ठप्प जाली. घडणुके सुवातेर पुलीस, उजो पालोवपी दळ आनी हेर आपत्कालीन यंत्रणां रोखडींच थंय पावलीं. तांणी येवन झाड कुशीक करून येरादारी सुरळीत करपाचें काम हातांत घेतलें.
धोको निर्माण करपी झाडां कापचीं
मजगतीं, रस्त्याच्या कुशीकच्या धोको निर्माण करपी झाडांची पळोवणी करून कापचीं. तशेंच जाय थंयच्यो खांदयो कापून उडोवच्यो अशी मागणी करतात. अपघाता विशीं अदीक तपास सुरू आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
