भांगरभूंय | प्रतिनिधी
संधिवात (Arthritis) हो रोग फकत जाण्ट्यांकच जाता असो गैरसमज समाजांत आसा. सध्या २०, ३० आनी ४० वर्सां पिरायेच्या तरणाट्यां मदीं लेगीत संधिवाताचें प्रमाण वाडत आसा. सांध्यांत सुज, दुखप, स्नायूंचे ताठरपण आनी हालचालींचे निर्बंध हाका लागून दिसपट्टे जिणेंत ताचो परिणाम जावं येता. देखून सुरवातीचीं लक्षणां वळखून वेळार उपचार घेवप खूब गरजेचें.
संधिवात जाल्यार सांध्यांचें इन्फ्लेमेशन जाता. हाका लागून सांध्यांत दुखप, सुज येवप, कडकडप आनी हालचालींचेर मर्यादा येवप येवंक शकता. भारतांत संधिवात दुयेंतींचो आंकडो नेटान वाडत आसा, आनी तरणाट्या दुयेतींचोय आंकडो दिसानदीस वाडत आसा. व्यायामाचो उणाव, आदीं सांध्यांची जाल्ली जखम, ऑटोइम्युन डिसऑर्डर, आनुवंशिकी आनी चुकीचे जिणे पद्धतीक लागून ल्हान पिरायेचेर लेगीत संधिवात जावपाचो धोको वाडटा. सुरवातेच्या लक्षणां कडेन आडनदर केल्यार सांध्यांक कायमचें लुकसाण जावंक शकता अशें पुण्यांतल्या अपोलो स्पॅक्ट्रा हॉस्पिटलांतले आर्थोपेडिक सर्जन डॉ. अनुप गडेकर म्हणटा.
Arthritis Symptoms, Causes And Prevention: तरणाट्यां मदीं संधिवाताची वाडपी समस्या, सुरवातेच्या लक्षाणां कडेन आडनदर केल्यार भोगचे पडटले गंभीर परिणाम.
सकयल दिल्ल्या लक्षणां कडेन आडनदर करचें न्हय
कितलींशींच सप्तकां जायत रावपी सांध्यांची दुख
सकाळीं उठल्या उपरांत ३० मिनटां परस चड काळ सांध्यांत कडकसाण जाणवप.
सांध्यां भोंवतणी सुजप वा हात लायल्यार दुखप
वांकपाक, चलपाक, सोपणां चडपाक वा हात वापरपाक आडखळ
विसव घेतकच वा शारिरीक हालचाली उपरांत चड दुखप
सांध्यांची हलचाल करताना कटकट आवाज वा संवेदना जाणवप
सेगीत थकप वा उर्जा उणीजाल्ल्याचें जाणवप.
बोटां, मनगट, पांय वा मांडयो हांच्या सांध्यांत परत परत दुखप
‘ह्या’ लोकांक चड धोको आसता
संधिवाताचीं लक्षणां, कारणां आनी आडावप: तरणाटेपणार संधिवात वाडत आसा; सुरवातीच्या लक्षणां कडेन आडनदर केल्यार गंभीर परिणाम जावंक शकतात अशें तज्ञ म्हणटात…
कांय सप्तकां परस चड काळ सांध्यांचें दुखप वा स्नायूंची ताठपणां उरल्यार दोतोराचो सल्लो घेवप गरजेचें आसता.
फकत पेनकिलर वखदां घेवन उपचाराक कळाव करप टाळचें, कारण ताका लागून दिर्घकाळ नुकसान जावंक शकता. वेळार उपचार केल्यार संधिवात नियंत्रीत करूं येता. संधिवाताच्या उपचारांत वखदां, फिजियोथेरपी, वजन नियंत्रण, नेमान व्यायाम आनी जिणे पद्दतींत बदल करप गरजेचें. जायते जाण सांध्यांचें दुखप हो चड काम वा व्यायामाक लागून जावपी समस्या म्हणून आडनदर करतात. पूण वेळार निदान आनी योग्य उपचार केल्यार संधिवाताचेर प्रभावीपणान नियंत्रण दवरूं येता. देखून दुयेंती बरोच तेंप सक्रिय, स्वतंत्र आनी वेदनामुक्त जिवीत जगूंक शकता. ल्हान पिरायेचेर सांध्यांचे दुखीचेर आडनदर करचें न्हय. योग्य वेळार तज्ञ दोतोराचो सल्लो घेवचो आनी तुमच्या सांध्यांची भलायकी सांबाळची.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
