भांगरभूंय | प्रतिनिधी
वायनाड: केरळांतल्या वायनाडा मंगळारा सकाळीं घोग्यांनी पडिल्ल्या पावसाक लागून पालसणां कोसळ्ळीं. हे घडणुकेंत २ लोकांक मरण आयलां. आठ जाण जखमी जाल्यात. खुबशे लोक राशी पोंदाक चिडल्ल्याची म्हायती आसा. ही घडणूक कल्लाडीच्या मिनाक्षी पुला लागसार घडली.
हांगा मलप्पुरम- वायनाड बोगदो प्रकल्पाचें काम चालू आसा. बोगद्यांतल्यान माती काडून भायर एकठांय केल्ली. पावसाक लागून माती देंवली. हाका लागून झाडां हुमटून पडलीं आनी बॅरिकेड्सूय व्हांवून गेले.
हे घडणुकेचे सीसीटीव्ही फुटेज मुखार आयल्यात. हातूंत दिसता ७ जुलयाक सकाळच्या ११ वरांचेर १५ मिनटांनी बोगद्यांतल्यान नेटान आयिल्ल्या ल्हारा वांगडा मातयेची रांस एका टँकराक व्हावोवन घेवन गेली.दोन लोक हे राशींत आडकल्यात.
सध्या पुलीस आनी एनडीआरएफचो पंगडान रेस्न्यू ऑपरेशन चालू दवरलां.
दोन वर्सां आदींय वायनाड हांगा एका फाटल्यान एक अशे तीन पालसणां कोसळिल्लीं. हातूंत ४०० परस चड लोकांक मरण आयिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
